Qutqarýshylar jolda qalyp qoıǵan Tájikstan azamattaryna kómek kórsetti
ASTANA. KAZINFORM - Qostanaı oblysy Uzynkól aýdanynda Rechnoe aýylynyń mańynda jeńil avtokólikter qar qursaýynda qaldy. Belgili bolǵandaı, alty azamat qutqarýshylardyń kómegine muqtaj boldy, dep habarlaıdy QR Tótenshe jaǵdaılar mınıstrliginiń baspasóz qyzmeti.
TJM qyzmetkerleri avtokólikterdi joldyń tazartylǵan ýchaskesine súırep aparyp, Uzynkól aýylyna deıin jetkizdi.
Sondaı-aq túnde 112 pýltine BQO Syrym aýdanyndaǵy «Aqtóbe-Oral-RF shekarasy» avtojolynda jolaýshylar avtobýsynyń buzylǵany týraly habarlama kelip tústi.
TJM qyzmetkerleri tehnıkalyq aqaýly avtobýstan Jympıty kentiniń eń jaqyn jylytý pýnktine 21 jolaýshyny evakýatsııalady.
Evakýatsııalanǵan adamdarǵa medıtsınalyq kómek qajet bolmady.
Osyǵan deıin aqtóbelik qutqarýshylardyń 4 kólikti qar qursaýynan shyǵarǵany týraly jazdyq.