Qutqarýshylar joǵalyp ketken týrıst qyzdy tapty
ASTANA. KAZINFORM — Almaty oblysynyń Qarasaı aýdanynda QR TJM «Barys» RQQ qutqarýshylary Úlken Almaty shyńy aımaǵyna attanyp, baılanysqa shyqpaı qalǵan týrıst qyzdy izdestirý jumystaryn júrgizdi.
Qutqarýshylar Aıý-Saı jáne Prohodnoe shatqaldaryn, sondaı-aq Terra alańy men Aleshkın kópiri aýmaqtaryn tekserdi. Qutqarýshylar týrıst qyzdy Prohodnoe shatqalyndaǵy sarqyramanyń janynan tapty. Oǵan medıtsınalyq kómek qajet bolmady. Qutqarýshylar ony tómenge deıin alyp túsip, Almaty qalasy TJD qyzmetkerlerine tapsyrdy.
Іzdeý jumystarynan qaıtyp kele jatqan kezde Kosmostantsııa aýdanynda aıaǵyn jaraqattap alǵan taǵy bir týrıst týraly habarlama kelip tústi. Qutqarýshylar oqıǵa ornyna jiberildi. Olar zardap shekken týrıstke alǵashqy medıtsınalyq kómek kórsetip, tómenge deıin alyp tústi jáne ony Apattar medıtsınasy ortalyǵynyń brıgadasyna tapsyrdy.
