Qutqarýshylar úıge shyrsha ornatqan kezdegi qaýipsizdik sharalaryn túsindirip berdi

ÓSKEMEN. KAZINFORM – Shyǵys Qazaqstan oblysynyń qutqarýshylary úıge shyrsha ornatqan kezdegi qaýipsizdik sharalaryn túsindirdi.

Jańa jyl merekesi qarsańynda dúıim jurttyń óz úılerin bezendiretini belgili. Dese de kópshilik shyrshany qalaı qaýipsiz ornatý kerektigin bile bermeıdi.

ShQO Tótenshe jaǵdaılar departamentiniń málimetine súıensek, shyrshany maqtadan, qaǵazdan jáne tsellýloıdtan jasalǵan oıynshyqtarmen bezendirýge bolmaıdy.

Ári shyrshanyń janyna maısham jaǵyp qoıý – asa qaýipti. Odan soń gırlıandany túnde nemese úıde eshkim joq ýaqytta qosyp qaldyrmańyz.

- Shyrshany qaýipsizdigine kózińiz jetpegen qurylǵylarmen bezendirmeýge keńes beremiz. Janǵan kezde shyrshadan óte ýly zattar bólinedi. Shyrsha jylytý qurylǵylarynan alys jerge ornatylýy qajet. Shyrshadan keletin qaýipterdiń biri – onyń qulaý múmkindigi. Sondyqtan úıge kishkentaı shyrshany tańdaǵan jón. Ol neǵurlym bıik bolsa, ony bekitý soǵurlym qıynǵa túsedi, - delingen aqparatta.

Eske salsaq, osyǵan deıin Jańa jyl qarsańynda elordada 40-tan astam shyrsha shamyn jaqqany habarlanǵan.