Abaı oblysynda jolda qalyp qoıǵan 3 avtobýstan 106 adam evakýatsııalandy
ASTANA. KAZINFORM - Túnde Abaı oblysynyń Aıagóz qalasynda Aıagóz qalasy-Qalbataý aýyly arasyndaǵy respýblıkalyq mańyzy bar avtojol qozǵalysynyń shektelýine baılanysty blokpostta jolaýshylary bar 3 avtobýs toqtap qaldy.
QR Tótenshe jaǵdaılar mınıstrligi baspasóz qyzmetiniń habarlaýynsha, qutqarýshylary polıtsııa qyzmetkerlerimen birge jolaýshylar avtobýstarynan 92 adamdy ertip, jaqyn mańdaǵy jylytý pýnktterine ornalastyrdy, onyń ishinde 20 bala bar.
Joldyń osy jabyq ýchaskesiniń arǵy jaǵynda shaǵyn kólemdi avtobýstyń jolaýshylary qıyn jaǵdaıǵa tap bolyp, 14 adam jylytý pýnktine ornalastyryldy.
Tótenshe jaǵdaılar mınıstrligi aýa raıyna baılanysty eskertýlerdi nazarda ustap, kún buzylǵan jaǵdaıda eldi mekennen tys jerlerge shyqpaýdy usynady!
Osyǵan deıin kúnniń buzylýyna baılanysty úsh oblysta jol jabylǵanyn habarlaǵan edik.