Qutqarýshylar taýda joǵalyp ketken 2 balany izdep tapty

ASTANA. KAZINFORM - Keshe keshke 2 bala Almaty oblysy Talǵar aýdanynda jeke turǵyn úıdiń aldynda kóshede oınap júrip, joǵalyp ketken.

Ózdiginshe izdep taba almaǵan ata-analar 112 nómirine habarlasyp, qutqarýshylardyń kómegine júgingen.

Táýliktiń qarańǵy ýaqytyna qaramastan túni boıy jalǵastyrylǵan izdeý jumystaryna 2 kınologııalyq eseptop pen ushqyshsyz ushý apparaty tartyldy. Buǵan qosa, izdeýge balalardyń jaqyndary, jergilikti turǵyndar men polıtsııa ókilderi qatysty.

- Jumyla atqarylǵan jumys nátıjesinde 2020 j.t. ul bala úıden 3 km qashyqtyqta taýly aımaqta tún ishinde tabylsa, 2015 j.t. ápkesi Qotyr degen taýly aımaqtan úıden shamamen 10 km jerde tańerteń tabyldy, - delingen TJM habarlamasynda.

Balalar dárigerlerdiń qaraýynan keıin ata-analaryna tabystaldy.

Aıta keteıik, BQO-da ulymen birge adasyp ketken áıel dronnyń kómegimen tabyldy.