Qutqarýshylar taýda adasqan erli-zaıyptylardy «SOS» habary arqyly izdep tapty

TALDYQORǴAN. KAZINFORM — Almaty oblysynyń Talǵar aýdanynda 112 pýltine avtokóliktegi apattyq «SOS» batyrmasy arqyly «Baılanys joq, taýda adasyp kettik» degen habarlama túsken. TJM qutqarýshylary habarlama túsken GPS koordınattary arqyly taýda adasyp ketken eki azamatty qutqardy. Bul týraly TJM baspasóz qyzmeti habarlady. 

GPS koordınattary boıynsha avtokóliktiń taýly jerde ornalasqan orny anyqtalǵanymen, TJM mamandary habar joldaǵandarmen baılanys ornata almaǵan.

Іzdestirý jumystaryna birden TJM Respýblıkalyq jedel-qutqarý jasaǵynyń «Barys» toby attanǵan. 

«Oqıǵa ornyna jetken qutqarýshylar berilgen koordınattardy baǵytqa alyp jaıaý jolǵa shyqty. Іzdestirý jumystary barysynda taýly, ótýi qıyn jerden Toyota Camrý markaly avtokólik tabyldy. Kóliktiń ishinde er adam men júkti áıelden quralǵan jup bolǵan», dep habarlady TJM baspasóz qyzmeti. 

Qutqarýshylar zardap shekkenderdi taý bókterindegi qıyn jetetin jerden evakýatsııalap, olardy avtojolǵa deıin jetkizdi. Sol jerde olardy jedel medıtsınalyq járdem brıgadasy kútip alyp, júktiliktiń sońǵy kezeńindegi áıeldi Talǵar qalasyndaǵy aýrýhanaǵa jetkizdi.

Eske sala ketsek, Qostanaıda TJM qutqarýshylary gazdan ýlanǵan 2 adamdy jertóleden alyp shyqqanyn jazǵanbyz.