Qutqarýshylar taýda adasyp qalǵan eki adamǵa kómektesti
ASTANA. KAZINFORM — Qaraǵandy oblysynyń Qarqaraly aýdanynda taýly aımaqta joǵalǵan eki adamdy izdeý jumystary júrgizildi.
Belgili bolǵandaı, kúndiz erli-zaıyptylar sańyraýqulaq terý úshin Komıssarovka shatqalynan Úshtaý taýyna qaraı barǵan. Keıin olarmen baılanys úzilgen. Oqıǵa týraly qutqarýshylarǵa olardyń nemereleri habarlaǵan.
TJM izdestirý toby erli-zaıyptylardy Komıssarovka shatqalynan shamamen 20 shaqyrym qashyqtyqtaǵy Qaratoka kordony mańynan tapty.
Olarǵa medıtsınalyq kómek qajet bolmady. Qutqarýshylar erli-zaıyptylardy qaýipsiz jerge alyp shyqty.
