Qutqarýshylar kúni: Tótenshe jaǵdaılar salasynyń 571 qyzmetkeri marapattaldy
ASTANA. KAZINFORM - Búgin 19 qazanda QR Tótenshe jaǵaılar mınıstrliginde Qutqarýshy kúnine arnalǵan saltanatty jınalys ótti, dep habarlaıdy veomstvonyń baspasóz qyzmeti.
Saltanatty sharaǵa mınıstrliktiń basshylyǵy, jeke quramy, azamattyq qorǵaý organdarynyń ardagerleri men qonaqtar qatysty.
Іs-sharany Tótenshe jaǵdaılar mınıstri Shyńǵys Árinov quttyqtaý sózimen ashyp, qutqarýshylardy kásibı merekemen quttyqtady.
«Búgin Sizderdiń qyzmetke degen adaldyqtaryńyz ben batyldyqtaryńyzdy kórsetetin kún. Kúndelikti erlikterińiz qoǵam úshin baǵa jetpes is jáne árqaısylaryńyzdy osy úshin men maqtan tutamyn. Tótenshe jaǵdaılar mınıstrligi qyzmetterińizdi joǵary baǵalap, Sizderdi áleýmettik, turǵyn úımen jáne materıaldyq-tehnıkalyq qamsyzdandyrýǵa baǵyttalǵan baǵdarlamalardy júzege asyrýdy jalǵastyrady. Qutqarýshy kúni Sizderge jáne otbasylaryńyzǵa shyn júrekten zor densaýlyq, baq-bereke men mańyzdy isterińizde jetistikter tileımin! Elimizdiń qaýipsizdigi úshin atqaratyn qyzmetterińiz tabysty bolsyn!», - dep atap ótti mınıstr.
TJM, memlekettik organdar men uıymdardyń 571 qyzmetkeri kásibı mereke qurmetine laıyqty marapattarǵa ıe boldy. Qutqarýshylarǵa medaldar, tósbelgiler jáne alǵys hattar tabys etildi.
Sonymen qatar TJM qurylymdyq bólimsheleri arasynda shaǵyn fýtbol, voleıbol jáne ústel tennısinen jarystar ótkizildi. Onyń qorytyndysy boıynsha kýboktar birinshi oryn - TJ joıý departamentine, ekinshi oryn – «Rezerv» RMK jáne úshinshi oryn – Strategııalyq josparlaý jáne jedel basqarý komandalyq ortalyǵyna tabystaldy.
Merekelik is-sharalar elimizdiń barlyq óńirlerinde ótti.
