Qutqarýshylar Qosshyda gazgolderdiń janýymen 18 saǵat boıy kúresti
ASTANA. KAZINFORM — Aqmola oblysy Qosshy qalasynyń Respýblıka kóshesi boıyndaǵy monsha kesheniniń aýmaǵynda jer asty gazgolderinde gaz jandy, dep habarlaıdy TJM baspasóz qyzmeti.
Alaýlap janǵan gazdy sóndirý úshin qutqarýshylar sýdyń úzdiksiz berilýin uıymdastyrdy, arnaıy jylý shaǵylystyrǵysh kostıýmdermen gazgolderdi salqyndatý úshin oqpandar berildi. Órt ornynda jedel shtab qurylyp, polıtsııa ekıpajy tartyldy.
— TJM qutqarýshylarynyń kásibı jumysynyń arqasynda gazgolderdiń jarylysyna jol berilmedi. 18 saǵat boıy órt sóndirýshiler gazgolderdi úzdiksiz sý berý arqyly salqyndatty. Qazirgi ýaqytta gaz tolyǵymen janyp ketip eshqandaı qaýip tóndirmeıdi, — dep atap ótti vedomstvo baspasóz qyzmeti.
Eske salsaq, osyǵan deıin qatty jeldiń saldarynan Kaspıı jaǵalaýyndaǵy qamys órtiniń aýmaǵy ulǵaıǵanyn jazǵan edik.