Qutqarýshylar Buqtyrmada aýdarylǵan qaıyqtan adamdardy evakýatsııalady

ÓSKEMEN. KAZINFORM — Shyǵys Qazaqstan oblysynda Tótenshe jaǵdaılar mınıstrliginiń qutqarýshylary Buqtyrma sý qoımasynda aýdarylǵan qaıyqtan tórt adamdy aman-esen evakýatsııalady, dep habarlaıdy KAZINFORM TJM baspasóz qyzmetine silteme jasap.

Vedomstvonyń málimetinshe, Altaıka aýyly mańyndaǵy Buqtyrma sý qoımasynan qaıyqta bolǵan tórt adamnyń tóńkerilip, bort syrtynda turǵany týraly habarlama túsken.

Aldymen adamdardy oqıǵa ornynan baıqap, óz qaıyǵyna mingizgen balyqshy kómek kórsetken.

- Oqıǵa ornyna jedel jetken ShQO TJD Jedel-qutqarý jasaǵynyń qyzmetkerleri azamattardy katerge aýystyryp, jaǵaǵa qaýipsiz jetkizdi. Zardap shekkender medıtsınalyq kómekke muqtaj bolmaǵan, - dep jazdy vedomstvodan.

Tótenshe jaǵdaılar mınıstrligi daýyldy nemese jeldi aýa raıynda sýǵa shyǵarda barynsha saq bolýǵa shaqyrady.

Qutqarý keýdeshelerin paıdalanyp, aýa raıy boljamyna turaqty túrde nazar aýdarý qajettigin eskertedi.

Aıta keteıik, ShQO-da qaıyqtan qulap ketken adamnyń denesi tabyldy.