Qutqarýshylar Balqash kólinen eki balyqshyny evakýatsııalady
ASTANA. KAZINFORM — Jambyl oblysy Moıynqum aýdanynda, Myńaral aýyly mańyndaǵy Balqash kólinde qutqarýshylar eki balyqshyǵa kómek kórsetti.
Eki azamat jaǵalaýdan shamamen 15 shaqyrym qashyqtyqta qaıyqta bolǵan. Qaıyq qozǵaltqyshynyń isten shyǵýyna baılanysty olar ózdiginen jaǵaǵa jete almaǵan.
Qutqarýshylar oqıǵa ornynan eki balyqshyny evakýatsııalap, jaǵalaýǵa jetkizdi. Medıtsınalyq kómek qajet bolǵan joq.
Aıta ketelik qutqarýshylar Almaty taýlarynda adasyp qalǵan tórt adamdy alyp túsken edi.
