Qutqarýshylar aıaǵyn gaz ballonynyń tutqasynan shyǵara almaǵan balaǵa kómekke keldi

ÓSKEMEN. KAZINFORM – ShQO qutqarýshylary erekshe qutqarý operatsııasyn ótkizdi.

Rıdder q. Sverdlov kóshesi boıyndaǵy úılerdiń birinde TJM qutqarýshylary segiz jasar balaǵa kómekke keldi. Ol úıde balalarmen oınap júrip aıaǵyn redýktor men gaz ballonynyń tutqasynyń arasyna kirgizip, shyǵara almaǵan.

Alańdaǵan ata-analar 112 qyzmetine júgindi.

TJM qyzmetkerleri «Holmator» avarııalyq-qutqarý quralynyń kómegimen ballonnyń tutqasyn kesip, balanyń aıaǵyn bosatty.

– Avarııalyq-qutqarý jumystary barysynda bala zardap shekken joq, - delingen TJM habarlamasynda.

ShQO-da alıment tólemegen adam alǵash ret túrmege qamalǵanyn jazǵan bolatynbyz.