Qutqarýshylar Astanada ǵımarat opyrylǵanda áreketsizdik tanytty degen qaýesetti joqqa shyǵardy
ASTANA. KAZINFORM – Astana qalalyq Tótenshe jaǵdaılar departamenti 8 qarashada áleýmettik jelilerde ǵımarattyń kirpish qaptamasy men kondıtsıonerdiń qulaǵany túsirilgen beınejazbaǵa túsinikteme berdi. Onda ótip bara jatqan adamdarǵa kómekke asyqqan feldsherler zardap shekken.
- Vıdeoda taratylǵan «TJ qyzmeti oqıǵa ornyna kelmedi» degen aqparat shyndyqqa sáıkes kelmeıdi, - delingen habarlamada.
TJD málimetinshe, 8 qarasha kúni «112» qyzmetiniń pýltine jedel medıtsınalyq járdem stantsııasynan Almaty aýdanyndaǵy Táýelsizdik dańǵyly, 24B mekenjaıy boıynsha toǵyz qabatty turǵyn úıdiń qasbetindegi kirpish qaptamasy men kondıtsıoner qondyrǵysynyń qulaǵany týraly habarlama tústi.
Habar túsken boıda oqıǵa ornyna Astana qutqarýshylary jedel jetti.
Oqıǵa ornynda anyqtalǵandaı, úıdiń birinshi qabatynda ornalasqan dúkenniń kireberis bóligi mańynda shamamen 150 sharshy metr aýmaqta qaptama men kondıtsıoner qondyrǵysy qulaǵan.
Qutqarýshylar úıindi astynan zardap shekkenderdi shyǵaryp, bólshekteý jáne apattyq-qalpyna keltirý jumystaryn júrgizdi, sondaı-aq qasbet elementteriniń odan ári qulaý qaýpin joıdy.
Astanada turǵyn úı kesheniniń qasbeti qulaýy saldarynan zardap shekkenderdiń qazirgi jaǵdaıy belgili boldy.