Qutqarýshylar Almaty turǵyndaryna taýǵa shyqpaýǵa keńes berdi

ALMATY. KAZINFORM – Kúnniń buzylýyna baılanysty Tótenshe jaǵdaılar departamenti turǵyndardy taýǵa shyqpaýǵa shaqyrdy.

«19 mamyrda nóser jańbyr jaýyp, naızaǵaı oınap, daýyl turady. Soltústik- batystan soǵatyn jeldiń ekpini sekýndyna 15- 20 metrge deıin jetedi. Osyǵan baılanysty qala qonaqtary men turǵyndardy taýǵa shyqpaýǵa shaqyramyz, – dep habarlady qalalyq Tótenshe jaǵdaılar departamentinen.

Sondaı-aq, kólikterdi aǵashtardyń túbine qoımaýǵa jáne túrli qurylymnyń astynda turmaýǵa keńes berdi.

Osyǵan deıin Almatynyń kommýnaldyq qyzmetteri kúsheıtilgen rejımge kóshkeni týraly jazǵanbyz.

Eske salaıyq, buǵan deıin Tótenshe jaǵdaılar departamenti aptap ystyqqa baılanysty Almaty turǵyndaryna úndeý jasaǵan bolatyn.