Qutqarýshylar Almaty taýlarynda joǵalǵan týrısti tapty

ASTANA. KAZINFORM — Almaty oblysynyń taýlarynda joǵalyp ketken týrıst aman-esen tabyldy, dep habarlaıdy QR Tótenshe jaǵdaılar mınıstrliginiń baspasóz qyzmeti.

Baspasóz qyzmetiniń málimetterine qaraǵanda, túnde Almaty oblysy Qarasaı aýdanynyń taýly aımaǵynda, bıiktigi 4400 metr bolatyn «Jas gvardııa» shyńy mańynda izdestirý-qutqarý jumystary júrgizilgen.

Kelip túsken aqparatqa sáıkes, 1998 jyly týǵan jigit 27 jeltoqsan kúni shamamen saǵat 19-00-de «Jas gvardııa» shyńyna shyǵý úshin jolǵa shyǵyp, keıin baılanysqa shyqpaı qalǵan. 

-Іzdestirý jumystaryna TJM kúshteri men quraldary jumyldyryldy. Qutqarý qyzmetiniń ókilderi joǵalǵan azamatty «Keńester shyńy» mańynan taýyp, ony «Úlken Almaty kóli» baqylaý-qutqarý pýnktine deıin túsirdi. Ol medıtsınalyq kómekke muqtaj bolǵan joq, — delingen habarlamada. 

Osyǵan deıin Almatyda sheteldik týrıster kóp baratyn TOP-8 oryn ataldy.