Qutqarýshylar Almaty taýlarynda adasqan eki jasóspirimdi tómenge túsirdi

ALMATY. KAZINFORM — Qutqarýshylar Shúkir sarqyramasynan óz betinshe tómen túse almaı qalǵan jasóspirimderdi taý etegine aman-esen jetkizdi. Bul týraly TJM baspasóz qyzmeti habarlady.

Almaty qalasynyń qutqarý qyzmetiniń qutqarýshylary bıiktigi teńiz deńgeıinen shamamen 2300 metr bolatyn Medeý aýdanyndaǵy Shúkir sarqyramasynan ózderi túse almaǵan eki jasóspirimge kómek kórsetti.

Oqıǵa ornyna «BAÝ» qalalyq qutqarý qyzmetiniń ekıpajy shyqqan. Qutqarýshylar jasóspirimderdi taýyp, olardy qaýipsiz aımaqqa deıin jetkizdi. Olarǵa medıtsınalyq kómek qajet bolmaǵan jáne keıin úılerine ózderi ketken.

Eske sala ketsek, qutqarýshylar taýda adasqan erli-zaıyptylardy «SOS» habary arqyly izdep tapty.

Sondaı-aq Almatyda qutqarýshylar 16 jastaǵy týrısti 4000 metr bıiktikten aman-esen túsirgenin jazdyq.