Qutqarýshylar aldaǵy kúnderi taýǵa shyqpaýǵa keńes berdi

ALMATY. KAZINFORM — Almatylyq qutqarýshylar qala turǵyndary men qonaqtaryn aldaǵy kúnderi taýǵa shyqpaýǵa shaqyrdy.

— Jylymyqtyń áserinen qar jamylǵysy turaqsyz. Osyǵan baılanysty 25 sáýir men 2 mamyr aralyǵynda taýlarda qar kóshkini qaýpi saqtalady. Osyǵan oraı, qala turǵyndary men qonaqtaryna taýlar men qarly tik jartastarǵa shyqpaýǵa keńes beremiz.Taýda abaı bolyńyzdar, — delingen habarlamada.

Eske salaıyq, buǵan deıin Almaty taýlarynda shańǵyshylar qar kóshkinine sebep bolǵany týraly jazǵan edik.

Sondaı-aq osy jyldyń 17 naýryzynda Shymbulaq mańynda júrgen qar kóshkini saldarynan bir adam qaza taýyp, eki adam jaraqat aldy.

Búgin eldiń basym bóliginde daýyldy eskertý jarııalandy.