Qutqarýshylar Abaı oblysynda adasyp ketken er adamdy aman-esen tapty

SEMEI. KAZINFORM — Abaı oblysynda Tótenshe jaǵdaılar mınıstrligi, oblystyq polıtsııa departamenti jáne jergilikti atqarýshy organdardyń birlesken kúshi taýda adasyp ketken 1989 jyly týǵan er adamdy izdep tapty, dep habarlaıdy TJM.

Joǵalǵan azamat Toqtamys aýylynan 20 shaqyrym jerdegi Qońyr Áýlıe úńgiri mańynda tabyldy.

Habarlama túskennen keıin qutqarýshylar birden izdestirý-qutqarý jumystaryna kirisńp, júrýi qıyn jer jaǵdaıynda irgeles aýmaqty jáne joǵalǵan adamnyń yqtımal qozǵalys baǵyttaryn tekserip shyqqan. 

Іzdestirý sharalary barysynda er adam qar qursaýynda qalyp qoıǵan jeńil avtokóliginiń ishinen tabyldy. Qutqarýshylar qajetti kómek kórsetip, onyń ómiri men densaýlyǵyna eshqandaı qaýip tónip turmaǵanyna kóz jetkizgen. 

Er adam medıtsınalyq kómekke muqtaj bolmaǵan.

Eske sala keteıik, 4 naýryz kúni qutqarýshylar Qostanaıda joldan adasyp, beline deıin qarǵa batqan er adamdy taýyp aldy.

Al Soltústik Qazaqstan oblysynda qar qursaýynda qalǵan balyqshy aman-esen qutqaryldy.