Qutqarýshylar 5 gaz ballonyn úıden shyǵaryp, jarylystyń aldyn aldy

ASTANA. KAZINFORM — Túnde Qaraǵandy qalasynda Lıhachev kóshesinde eki páterli turǵyn úıde órt shyqty.

TJM bólimsheleriniń úılesimdi jáne jedel is-qımyldarynyń arqasynda órt oqshaýlanyp, tolyq sóndirildi.

Órtti sóndirý barysynda qutqarýshylar bes gaz ballondy qaýipsiz jerge shyǵardy. Bul — yqtımal jarylystyń aldyn aldy.

Zardap shekkender joq. Órttiń sebebi anyqtalyp jatyr.

Aıta keteıik, Shymkent qalasynda tótenshe jaǵdaılar qyzmetkerleri saýda oıyn-saýyq ortalyǵynda bolǵan órtti sóndirdi.