Qutqarýshy bir adamnyń salmaǵyn kóteretin muzdyń qalyńdyǵy qandaı bolatynyn aıtty
ALMATY. KAZINFORM – Almaty qalasy TJD bastyǵynyń orynbasary Ánýar ıÝsýpov turǵyndardy juqa muzdy baspaýǵa shaqyrdy.
Onyń aıtýynsha, qazir sý aıdyndarynda jazataıym oqıǵanyń aldyn alýǵa erekshe kóńil bólinip otyr. Maman qala aýmaǵynda qysta qaýip týdyratyn 6 sý aıdyny bar ekenin atap ótti. Olar:
• Túrksib aýdany, Áýejaı kóli;
• Jetisý aýdany, «Kemel» shaǵyn aýdanyndaǵy Birinshi mamyr toǵandary;
• Medeý aýdany, «Kólsaı» shaǵyn aýdanyndaǵy ataýy joq sý aıdyny men «Sulýsaı» shaǵyn aýdanyndaǵy ıÝnnat kóli;
• Alataý aýdany, «Qarasý» shaǵyn aýdanyndaǵy kól.
– Qazir sý aıdyndarynda muzdyń qalyńdyǵy 3-4 sm ǵana, keı jerde múldem muz joq. Sondyqtan barynsha saq bolyp, abaılaý kerek. Bir adamnyń salmaǵyn kóteretin muz 15 sm-den bastalady, al is-shara ótkizý úshin onyń qalyńdyǵy keminde 25 sm bolýy tıis, - dedi Ánýar ıÝsýpov.
Oqys oqıǵanyń aldyn alý úshin qaýipti jerlerde eskertý men tyıym salatyn belgiler ornatylǵan. Sonymen qatar qutqarýshylar, polıtsııa men jedel-qutqarý bólimsheleri 48-den astam reıd ótkizgen. Ánýar ıÝsýpov kól men kólshikterde qaýipsizdik erejesin buzǵandarǵa 7 AEK (27 524 teńge) mólsherinde aıyppul salynatynyn eskertti.
Eske salaıyq, buǵan deıin Tótenshe jaǵdaılar mınıstri Shyńǵys Árinovtyń buıryǵymen Esil ózeninde muz astyna túsip ketken er adamdy qutqarý kezinde kórsetken batyldyǵy úshin Aıtken Azamat marapattaldy.