Qutqarý qyzmeti Qapalda qaza tapqandardyń múrdesin izdeý jumystaryn júrgizýde (FOTO)

Qazir qaza tapqandardyń múrdeleri izdestirilýde. Saǵat 10.20-da 5 adamnyń múrdesi tabyldy. Apat orny Qapal aýylyna qaraı burylystan 3 shaqyrym jáne Taldyqorǵanǵa qaraı 1 shaqyrym jerde.

Almaty oblysy TJD-da «Jedel jeli - 8 7282 22 04 60» ashyldy. 102 qońyraý shalyndy. V.T. Kondratıýk týystarynan - 21 qońyraý, G. Hamıtova týystarynan - 13, B. Qaısanova týystarynan - 13, Q. Ábilqasym týystarynan - 28, azamattar men BAQ ókilderinen 27 qońyraý shalyndy.

Eske salsaq, 2016 jylǵy 27 qańtarda saǵat 17.17-de Almaty oblysy TJD biryńǵaı kezekshi-dıspetcherlik qyzmetine Astana qalasy izdeý jáne qutqarý kezekshi úılestirý ortalyǵynan Alakól aýdany Úsharal aýylynan sol kúni Taldyqorǵan baǵytyna aýyrǵan balany aýrýhanaǵa aparý úshin «Aspan» AQ-ǵa tıesili MD-600 tikushaǵy 15.45-te ushqany jaıly habarlama túsken.

Sanavıatsııa jáne Astana AQ ókilderiniń derekterine sáıkes tikushaqta 5 adam bolǵan.

Bortpen baılanys 16.55-te joǵalǵan, bort sońǵy pýnktine shartty ýaqytta kelgen joq, dep habarlady TJK baspasóz qyzmeti.

QR ІІM buıryǵy boıynsha oqıǵa ornynda izdeý jumystaryn júrgizý úshin Taldyqorǵan qalasynan, Qarabulaq kentinen, oblystyń ІІD-den joǵary ónimdi tehnıka, 3 órt sóndirý bólimi, 2 aýdandyq bólim qyzmetkerleri, oblystyń TJD jedel qutqarý jasaǵynyń qutqarýshylary jiberildi. Kúshter men quraldardy tartý josparyna sáıkes QR QM Taldyqorǵan garnızony men QR ІІM Ulttyq Gvardııasynyń áskerı bólimi, aýyl ákimderi, polıtsııa ýchaskelik pýnktteri, shalǵaı qystaqtar habardar etildi.

19.30-da Eskeldi aýdany Aqyn Sara aýyly aýdanynda oblys TJD komandalyq-shtab bazasynda izdeý-qutqarý jumystarynyń jedel shtaby quryldy.

18 izdeý toby uıymdastyryldy. Іzdeýge 500 adam, 70 birlik tehnıka tartyldy.

Eskeldi aýdany ákimdigi 100 adamǵa tamaqtaný pýnktin mektep pen balabaqshada jeke quramǵa jylynatyn oryn ázirledi.

Aýa raıyna kelsek, Eskeldi, Aqsý aýdandarynda qar, jel, jol durys kórinbeıdi, izdeý jumystary kúrdeli jaǵdaıda ótýde.