Kútim balyǵyn Qazaqstannyń Qyzyl kitabynan alyp tastaıdy

NUR-SULTAN. QazAqparat - Vedomstvoaralyq zoologııa komıssııasynyń otyrysynda kútim balyǵyn sırek kezdesetin janýarlar tizbesinen alyp tastaý máselesi qaraldy, dep habarlaıdy QazAqparat.

Balyq sharýashylyǵy komıtetiniń málimetinshe, kútim balyǵy popýlıatsııasyna qaýip tóngendikten buryn ol Kaspıı mańy memleketteriniń Qyzyl kitabyna engizilgen jáne keıin shyǵarylǵan.

Kópjyldyq ǵylymı zertteýlerdiń nátıjesi Kaspıı teńizi akvatorııasy men Mańǵystaý oblysynyń jaǵalaýynda kútim popýlıatsııasy qalpyna kelgenin kórsetti.

Ǵalymdardyń pikirinshe, popýlıatsııa men kútimniń turaqty ómir súrý jaǵdaıy genofondtyń saqtalýyn qamtamasyz etetin jáne olardyń tabıǵı kóbeıýine qaýip tóndirmeıtin shamaǵa jetti.

Osyǵan baılanysty zoologııalyq komıssııa kútimdi Qazaqstannyń Qyzyl kitabynan shyǵarýdy usyndy.

Bul Kaspıı teńiziniń qazaqstandyq sektorynda kásipshilik balyq túrleriniń túrlik quramyn keńeıtýge múmkindik beredi jáne Kaspıı mańy óńirinde balyq sharýashylyǵyn odan ári damytýǵa yqpal etedi.

Zoologııalyq komıssııanyń usynymy negizinde belgilengen tártipte kútim balyǵyn Qazaqstannyń Qyzyl kitabynan shyǵarý týraly Úkimet qaýlysynyń jobasy daıyndalady.

Foto: instagram.com/fishcommitteekz