KustoHelp qory indetten qaıtys bolǵan medqyzmetkerler otbasylaryna 1 mln teńgeden aýdardy
Tamyz aıynyń basynda Densaýlyq saqtaý mınıstrligi bergen málimet boıynsha KVI men pnevmonııadan qaıtys bolǵan Qazaqstannyń medıtsına qyzmetkerleriniń sany 174 adam ekeni belgili bolǵan. Onyń ishinde: qyzmet boryshy barysynda indetpen kúreste negizgi soqqy alǵan 98 dáriger, 40 orta býyn medıtsına qyzmetkeri, 14 sanıtar, 8 arnaıy kólik júrgizýshisi, feldsherler, zerthanashylar jáne basqa da mamandar bar. Ókinishke qaraı, olar bul kúreste ár adam úshin eń qymbat nársesin - óz ómirlerin qıǵan. Olar koronavırýspen kúreste qaza tapqan bizdiń elimizdiń naǵyz batyrlary.
«Kez kelgen soǵystaǵy sııaqty, bizdiń paryzymyz - qaza bolǵan batyrlardy este saqtaý jáne qurmetteý, sonymen birge asyraýshynyń joǵalýyna baılanysty onsyz da onsha emes materıaldyq jaǵdaıy odan saıyn zardap shekken olardyń otbasylary týraly umytpaý kerek», dep atap ótti Qorda.
#KustoHelp qaıyrymdylyq qory qaıtys bolǵandardyń otbasylaryna qarjylyq kómek túrinde materıaldyq kómek bólýge sheshim qabyldady. Qor qyzmetkerleri qaıtys bolǵandardyń týystarymen baılanysyp, kómek qabyldaýǵa kelisken 141 otbasyn anyqtady. 2020 jylǵy 10-14 tamyz aralyǵynda #KustoHelp qaıyrymdylyq qory medıtsına qyzmetkerleriniń árbir otbasyna 1 mln teńgeden aýdardy – barlyǵy 141 mln teńge. Qamtylmaǵan otbasylar boıynsha jumys jalǵasýda, óıtkeni naqty emes baılanys derekteri bar nemese týystary baılanysqa shyqpaıdy.
«Biz bıznes-qoǵamdastyqty jáne Qazaqstannyń beı-jaı qaramaıtyn azamattaryn qaza tapqan dárigerlerdiń otbasylaryn qoldaýǵa shaqyramyz. Biz medıtsına qyzmetkerleriniń otbasylary osyny baǵalaıtynyna jáne olardyń qaza tapqan týystary men jaqyndary týraly elimizdiń adamdary tek sózben ǵana emes, ispen alǵys aıtqanyń sezinetinine senimdimiz. Qaıtys bolǵan dárigerler olardyń otbasylaryna jaqynda ózderi bizge qamqorlyq jasaǵandaı qamqorlyq kórsetkenimizdi kórse baqytty bolar edi», - delingen Qordyń baspasóz qyzmetiniń habarlamasynda.
#KustoHelp qaıyrymdylyq jobasyn Kusto Group halyqaralyq kompanııasy qurǵan jáne Qazaqstan Respýblıkasynda COVID-19 koronavırýs indeti sebebinen jarııalanǵan tótenshe jaǵdaı kezeńinde halyqtyń neǵurlym zardap shekken jáne osal toptaryna kómek kórsetýge baǵyttalǵan. Karantın kezeńinde kómektiń jalpy kólemi 1 057 654 502 teńgeni qurady. Tómende halyqqa jáne dárigerlerge kórsetilgen kómektiń negizgi baǵyttary kórsetilgen.
Búkil Qazaqstan boıynsha 12 000-nan astam otbasyna «ıA Almatınets», «Klýb Dobrıakov» jáne t. b. volonterlik uıymdardyń qoldaýymen jalpy somasy 153 mln teńgege azyq-túlik jıyntyǵy berildi.
Otbasy úlgisindegi balalar úıi úshin 1 shaǵyn avtobýs jáne Qostanaı men Jambyl oblystarynyń aýdandyq aýrýhanalary úshin 2 reanımobıl satyp alyndy.
Búkil Qazaqstan boıynsha 100-ge jýyq medıtsınalyq mekemelerge jalpy somasy 294.3 mln teńgege jeke qorǵaný quraldary, dári-dármekter jáne jabdyqtar túrinde kómek kórsetildi.
150 kishi medıtsına qyzmetkerine jalpy somasy 17 mln teńgege ataýly materıaldyq kómek kórsetildi.
Qazaqstannyń 50-den astam aýrýhanasynyń dárigerleri men patsıentterin tamaqtandyrý úshin 176 mln teńge somasyna KazBeef 80 tonna et ónimi jetkiziledi.
2020 jylǵy 15 tamyzda Qazaqstannyń Ýkraınadaǵy Elshiliginiń qoldaýymen dári-dármekter – 55 000 Levofloksatsın qaptamasy jáne 28 330 Meropenem qutysy Qazaqstannyń oblystyq jáne qalalyq aýrýhanalaryna taratylýy úshin «SK Farmatsııaǵa» berildi. Kómektiń jalpy somasy 86,7 mln teńgeni qurady.
Qazaqstan Respýblıkasy Densaýlyq saqtaý mınıstrligi jasaǵan tizimder boıynsha koronavırýs saldarynan qaıtys bolǵan 141 medıtsına qyzmetkerleriniń otbasyna materıaldyq kómek kórsetildi.
Turǵyn úı baǵdarlamasy júzege asyrylýda, #KustoHelp kópbalaly az qamtylǵan otbasylarǵa turǵyn úı satyp alýǵa jáne salýǵa kómek kórsetýde. Turǵyn úı baǵdarlamasynyń jalpy somasy 90.4 mln teńgeni quraıdy.
Semeı, Shymkent, Jambyl jáne Qyzylorda oblystarynyń oqýshylaryna 19 mln teńge somasyna 410 planshet berildi.
[17:41, 17.08.2020] Baqytjan Novyı: Dlıa razmeşenııa
