KustoHelp qaıyrymdylyq jobasy: Aqmola oblysynda 3 000 otbasyǵa kómek kórsetildi
Pandemııa kezeńinde jarııalanǵan qaıyrymdylyq aktsııasy sheńberinde halyqaralyq Kusto Group kompanııasy Aqmola oblysynda 3 000 otbasyna, 400 soǵys ardageri men tyl eńbekkerleri jáne olarmen teńestirilgenderge kómek kórsetti.
Azyq-túlikti birinshi kezekte Arshaly, Aqkól, Býrabaı, Zerendi, Tselınograd, Birjan sal aýdandaryndaǵy jáne Kókshetaý qalasyndaǵy kópbalaly otbasylar, áleýmettik jaǵynan az qamtylǵandar men halyqtyń osal toptary aldy. Ony ákimdik qyzmetkerleri men volonterlik uıymdar jetkizip berdi.
Sonymen qatar, kompanııa ınfektsııamen kúresýde medıtsına qyzmetkerlerin qajetti qural-jabdyqtarmen qamtamasyz etti. Budan bólek, kásiporyn «Astananyń qaıyrymdy jandary klýby» jáne 100 belsendi azamattyń qoldaýymen Aqmola oblysyndaǵy 28 eldi-mekenge 1664 azyq-túlik paketin jóneltti.
«Lider. Kz. Dobroe serdtse Kokshetaý» qoǵamdyq qorynyń dırektory Irına Katýhovanyń aıtýynsha, búgingi tańda volonterler Kusto kompanııasy jınaqtaǵan 500 azyq-túlik paketin jetkizýde.
«Qıyn kezeńde otbasylardyń kóbi kómekten bas tartpaıdy dep oılaımyn. Ár paketke azyq-túlik pen turmystyq hımııa zattarynyń 25 ataýly túrin jınaqtadyq», - dep atap ótti Irına Katýhova.
Aıta ketý kerek, ınfektsııa juqtyrý qaýipi joǵary qarttarda nazardan tys qalǵan joq. Onyń ishinde kompanııa Tselınograd aýdanyndaǵy «Shapaǵat» medıtsınalyq-áleýmettik mekemesiniń ǵımaratyn dızenfektsııalaýdan ótkizdi, 150 matras, 80 jıyntyq indetke qarsy kostıým, 4500 jýyq qolǵap pen dezınfektsııa zattaryn satyp alyp berdi. Sonymen qatar, kompanııa qaıyrymdylyq aktsııasy sheńberinde Sandyqtaý aýdanynyń Shańtóbe kentindegi medıtsınalyq-áleýmettik mekemedegi 50 adamdy qorǵanys quraldarymen qamtamasyz etti.
