Kusto Group sý tasqynynan zardap shekkenderge 400 mln teńge bóledi
ASTANA. KAZINFORM - Qazaqstan Respýblıkasyndaǵy óte kúrdeli sý tasqyny jaǵdaıyna baılanysty Kusto Group zardap shekkenderge kómek kórsetýge 400 mln teńge bólingeni týraly habarlaıdy. Zardap shekken aımaqtarǵa qarajat Kusto.Help jeke qory arqyly bólinedi.
"Tabıǵı apattan zardap shekken qazaqstandyqtarǵa janashyrlyq tanytyp, qoldaý bildiremiz. El basshylyǵy, quzyretti memlekettik organdar, eriktiler men azamattar adam shyǵynyn boldyrmaý, zardap shekkenderge kómek kórsetý jáne sý tasqynynyń saldaryn joıý úshin qajet nárseniń bárin jasap jatyr. Biz osy jumysqa qosylamyz jáne apattan zardap shekken qazaqstandyqtarǵa barynsha kómek kórsetemiz", - dedi Kusto Group negizin qalaýshy Erkin Tátishev.
Aıta keteıik, Kusto.Help qaıyrymdylyq qoryn Kusto Group halyqaralyq kompanııasy qurdy. Qor Qazaqstan Respýblıkasynda koronavırýs pandemııasy kezinde halyqtyń neǵurlym zardap shekken jáne osal toptaryna 1 mlrd teńgeden astam kómek kórsetti.
