Qustarmen soqtyǵysyp qalǵan ushaq jedel qonýǵa májbúr boldy - AQSh
ASTANA. Naýryzdyń 12-si. QazAqparat - Nıý-Iork áýejaıynda US Airways ushaǵy jedel qonýǵa májbúr boldy. Aspanǵa endi ǵana kóterilgen ushaqtyń pıloty dvıgatelge qustyń kirip ketýi saldarynan jerge shuǵyl qoný týraly sheshim qabyldady,
dep habarlaıdy Associated Press agenttigi.
Jergilikti buqaralyq aqparat quraldarynyń habarlaýynsha, jerden 600 metrdeı bıiktikke kóterilip qalǵan kezde, Rochesterden Sharlott qalasyna bara jatqan ushaqtyń jolynda kanadalyq qazdardyń toby paıda bolǵan, sóıtip qustardyń bireýi dvıgatelge kirip ketken. Ushaq bortynda 124 jolaýshy jáne 5 ekıpaj múshesi bolǵan.
Aman-esen qonǵannan keıin laıner jóndeýge jiberildi. Al jolaýshylarǵa basqa reıs usynyldy.
