Qustardy qysta qorektendirý olardyń evolıýtsııasyna áser etedi
ASTANA. Jeltoqsannyń 9-y. QazAqparat - Qustarǵa qysta jem shashý olardyń evolıýtsııasyna áser etýi múmkin,
dep habarlaıdy QazAqparat Lenta.rý saıtyna silteme jasap.
Zertteýshiler Germanııada bir-birlerinen 800 shaqyrym qashyqtyqta tirshilik etetin Sylvia atricapilla qara aıdarly shymshyqtardyń eki túriniń ósip-ónýin zerttegen. Barlyq qustar Ekinshi dúnıejúzilik soǵysqa deıin záıtúnmen jáne jemistermen qorektený úshin Jerorta teńizine ushyp ketip otyrǵan. 1960 jyldarǵa deıin shymshyqtar Ulybrıtanııada qystaǵan. Bul eldiń turǵyndary qustarǵa jem shashatyn bolǵan, nátıjesinde Sylvia atricapilla shymshyqtarynyń basym bóligi (10 paıyzy) sýyq túskende tumandy Albıondy panalaǵan.
Jerorta teńizinde qystaǵan qustardyń DNK-laryna jasalǵan saraptama 800 shaqyrym qashyqtyqta tirshilik etetin shymshyqtardikimen barynsha uqsas ekenin kórsetti. Ǵalymdar sonymen qatar, Ulybrıtanııa men Jerorta teńizinde qystaıtyn qustar syrttaı uqsas ekenin de sıpattady.
Osylaısha, ǵalymdardyń jumystary adamdardyń basqa tirshilik ıelerine eter áseriniń qanshalyqty joǵary ekenin kórsetedi.
