Qustardy baqylaý zýmerlerdiń jańa hobbıine aınaldy
ASTANA. KAZINFORM – Zýmerler arasynda jańa hobbı paıda boldy. Ol – qus baqylaý. Buryn munymen negizinen egde jastaǵy adamdar aınalysatyn, dep jazdy The Guardian.
Qustardy baqylaý áshekeı buıymdaryn jasaýdan keıin Z býyny arasyndaǵy eń jyldam tanymal bolyp kele jatqan ekinshi hobbıge aınaldy, dep jazady The Guardian.
Máselen, Ulybrıtanııada 14 pen 29 jas aralyǵyndaǵy shamamen 750 myń jas qustardy turaqty túrde baqylaıdy.
Nemis ornıtologtary odaǵy da qatysýshylardyń ortasha jasynyń tómendep kele jatqanyn tirkep otyr.
– Uzaq ýaqyt boıy bul hobbı oǵash kıinetin egde jastaǵy er adamdarmen baılanystyrylyp keldi. Biraq qazir qusqa áýes jastar kóbeıip jatyr. Áıelderdiń úlesi de jyl saıyn artyp keledi, – deıdi odaq ókili Krıstofer Kenıg N-tv-ge bergen suhbatynda.
Kenıgtiń aıtýynsha, ótken jyly Ornitho mamandandyrylǵan portalynda 6 myń jańa qoldanýshy tirkelgen. Al kún raıy jaqsy kúnderi portalǵa táýligine 100 myńnan astam habarlama túsedi. Onyń sózinshe, qyzyǵýshylyqtyń mundaı kúrt artýy ǵylym úshin úlken paıda ákeledi, óıtkeni áýesqoılar qustar popýlıatsııasyndaǵy ózgeristerdi tirkeýge kómektesedi.
Basylym atap ótkendeı, kóptegen jasóspirim berdvotchıngke koronavırýs pandemııasy kezinde qyzyǵa bastaǵan, al bul qyzyǵýshylyq pandemııadan keıin de saqtalǵan.
Bul hobbı zýmerlerge tsıfrlyq detoksty ustanýǵa da kómektesedi: tabıǵatqa shyqqanda olar birneshe saǵat boıy smartfonǵa emes, dúrbige qaraıdy.
