Kúshtik qurylymdardyń áskerı qyzmetshileri jylyna bir ret poıyzben tegin qatynaı alady
ASTANA. KAZINFORM – 1 qańtardan bastap Qazaqstan Respýblıkasyndaǵy barlyq kúshtik qurylymnyń áskerı qyzmetshileri men olardyń otbasy músheleri jylyna bir ret el aýmaǵynda jolaýshylar poıyzdarymen tegin qatynaı alady.
Bul týraly QR ІІM Ulttyq ulan Bas qolbasshylyǵynda áskerı qyzmetshiler men olardyń otbasy múshelerine arnalǵan keshendi is-shara barysynda aıtyldy, dep habarlaıdy vedomstvonyń baspasóz qyzmeti.
Jıyn barysynda jeke quramǵa jańa áleýmettik bastamanyń mazmuny túsindirilip, ony óńirlerde tıimdi júzege asyrý tetikteri keńinen talqylandy. Іs-shara aıasynda
Bul bastama áskerı qyzmetshilerdiń áleýmettik jaǵdaıyn jaqsartýǵa jáne olardyń otbasymen birge saparlaý múmkindigin arttyrýǵa baǵyttalǵan.
Aqparattandyrý barysynda «Jolaýshylar tasymaly» AQ tasymaldaý ekonomıkasy jáne esebi departamentiniń bas menedjeri Aınur Bazarbaeva tegin jol júrý quqyǵy tek Qazaqstan ishindegi baǵyttarda qatynaıtyn jolaýshylar poıyzdaryna qoldanylatynyn atap ótti.
Sondaı-aq atalǵan shyǵyndar «Qazaqstan temir joly» ulttyq kompanııasynyń qarajaty esebinen óteletinin túsindirdi.
Jıynǵa qatysqan «Qazaqstan temir joly» ulttyq kompanııasy» AQ tarıf saıasaty departamentiniń dırektory Dıas Túsipbekov áskerı qyzmetshiler tarapynan qoıylǵan suraqtarǵa jaýap berip, jeńildikti paıdalaný barysynda týyndaýy múmkin tehnıkalyq jáne uıymdastyrýshylyq máselelerge toqtaldy.
Іs-shara qorytyndysynda QR ІІM Ulttyq ulany Bas qolbasshysynyń tárbıe jáne áleýmettik-quqyqtyq jumystar jónindegi orynbasary Qaırat Úmbetov bul bastamanyń mańyzyn atap ótti. Ol jobany iske asyrý barysynda belgilengen talaptardyń qatań saqtalýy qajettigin aıtyp, atalmysh áleýmettik qoldaýdyń áskerı qyzmetshiler men olardyń otbasy músheleriniń áleýmettik qorǵalý deńgeıin arttyrýǵa, demalysty aldyn ala josparlaýǵa jáne jol shyǵyndaryn edáýir azaıtýǵa múmkindik beretinin jetkizdi.
Osyǵan deıin shopandardyń balalaryn áskerge shaqyrtýdy keıingi qaldyrý týraly usynys jasalǵany jóninde jazdyq.
