Kúshtik qurylymdar arasynda qazaq kúresi men sambodan ashyq chempıonat ótedi

ALMATY. KAZINFORM – 27-29 naýryz aralyǵynda Almaty qalasyndaǵy Ortalyq sport klýbynyń bazasynda Qazaqstan Respýblıkasynyń kúshtik qurylymdary arasynda qazaq kúresi men sambodan ashyq respýblıkalyq chempıonat ótedi, – dep habarlaıdy Polisia.kz.

Jarysqa elimizdiń negizgi memlekettik organdarynan jasaqtalǵan 200-den astam sportshydan quralǵan 30 komanda qatysady. Atap aıtqanda, QR ІІM, Qorǵanys mınıstrligi, TJM, Ulttyq ulan, Memlekettik kúzet qyzmeti, Shekara qyzmeti jáne Ulttyq qaýipsizdik komıtetiniń ókilderi baq synaıdy.

Jarys tómendegideı salmaq dárejesi boıynsha ótedi:

Sambo: 58 kelige deıin, 64 kelige deıin, 71 kelige deıin, 79 kelige deıin, 88 kelige deıin, 98 kelige deıin jáne 98 keliden joǵary (komanda quramy — 7 sportshy).

Qazaq kúresi: 55 kelige deıin, 60 kelige deıin, 66 kelige deıin, 74 kelige deıin, 82 kelige deıin, 90 kelige deıin, 100 kelige deıin jáne 100 keliden joǵary (komanda quramy — 8 sportshy).

Saltanatty ashylý rásimi 28 naýryz kúni saǵat 11:00-de ótedi. Úsh kúnge sozylatyn jarys barysynda kórermenderdi tartysty beldesýler, áserli aıqastar jáne shynaıy sporttyq básekege toly atmosfera kútedi.

Ótetin orny: Almaty qalasy Sátbaev kóshesi, 6B. Ortalyq sport klýby.

Jarys baǵdarlamasy:

26 naýryz — mandattyq komıssııanyń jumysy (10:00–13:00) 27 naýryz — qazaq kúresinen irikteý jáne jartylaı fınaldyq beldesýler

28 naýryz — saltanatty ashylý, qazaq kúresinen fınaldyq beldesýler, marapattaý rásimi

29 naýryz — sambodan jarystar, qorytyndy shyǵarý jáne marapattaý rásimi

Atalǵan ashyq chempıonat kúshtik qurylymdar arasyndaǵy ózara is-qımyldy nyǵaıtýǵa, ulttyq sport túrlerin nasıhattaýǵa jáne Qazaqstannyń sporttyq dástúrlerin damytýǵa mańyzdy úles qosady.

Aıta keteıik, World Boxing aıasynda Mońǵolııada ótetin Azııa chempıonatynda baq synaıtyn Qazaqstan áıelder quramasy belgili boldy.