Kúshti jel, jaýyn, burshaq - sársenbige arnalǵan aýa raıy boljamy
NUR-SULTAN. QazAqparat – Sınoptıkterdiń boljaýynsha sársenbi elimizde aýa raıy qubylmaly bolady, dep habarlaıdy QazAqparat Qazgıdrometke silteme jasap.
«29 shildede Qazaqstan aýmaǵynyń basym bóliginde atmosferalyq aǵyndardyń ótýine baılanysty saqtalady – naızaǵaıly jańbyr, soltústik-batystyń keı jerlerinde qatty nóser jaýady. Tek elimizdiń batysynda jáne ońtústiginde antıtsıklon jotasynyń áserinen kún raıy ashyq bolady. Respýblıkanyń keı jerlerinde jel kúsheıip, daýyl soǵýy, burshaq jaýýy múmkin. Elimizdiń soltústiginde tuman túsýi yqtımal», delingen aýa raıy boljamynda.
Soltústik Qazaqstan oblysynyń keı jerlerinde daýyl soǵady, burshaq jaýyp, jel kúsheıedi, jyldamdyǵy 15-20 m/s, túnde jáne tańerteń keı jerlerinde – tuman túsýi múmkin.
Pavlodar, Qaraǵandy, Shyǵys Qazaqstan oblystrynyń keı jerlerinde – daýyl soǵady, burshaq jaýyp, jeldiń kúsheıýi múmkin. Jeldiń jyldamdyǵy 15-20 m/s, Pavlodar, Qaraǵandy oblystarynda ekpini 23-28 m/s jeteji.
Almaty, Jambyl, Qyzylorda oblystarynyń keı jerlerinde jel 15-20 m/s kúsheıedi.
Kúndiz Qostanaı oblysynyń keı jerlerinde daýyl soǵady, burshaq jaýady Jeldiń kúsheıip, jyldamdyǵy 15-20 m/s jetedi, túnde jáne tańerten tuman túsýi múmkin.
Aqmola oblysynda túnde jáne tańerteń keı jerlerde tuman túsedi.
Kúndiz Atyraý oblysynda, Batys Qazaqstan, Aqtobe oblystarynyń ońtústiginde qatty ystyq bolady.
Atyraý, Qyzylorda oblystary, Aqtóbe, Túrkistan oblystarynyń basym bóliginde, Batys Qazaqstan oblysynyń keı jerlerinde, Jambyl, Qaraǵandy, Almaty oblystarynyń keı jerlerinde tótenshe órt qaýipi saqtalady.
