Kúshti jel, tuman, jańbyr – senbidegi aýa raıy
NUR-SULTAN. QazAqparat – 1 mamyrda elimizde jel kúsheıip, keı jerlerde tuman túsip, jańbyr jaýady, dep habarlaıdy QazAqparat Qazgıdrometke silteme jasap.
Senbi kúni batys antıtsıklon jotasynyń áserinen Qazaqstannyń basym bóliginde kóbinese aýa raıy jaýyn-shashynsyz bolady. Tek elimizdiń ońtústik, ońtústik-shyǵys jáne shyǵysynda atmosferalyq frontaldy bólikterdiń ótýine baılanysty keı jerlerde jańbyr jaýady, túnde jekelegen aýdandarda naızaǵaıly qatty nóser jaýýy múmkin. Elimizdiń keı jerlerinde jel kúsheıip, ońtústikte jáne ońtústik-batysta shańdy daýyl soǵady, soltústik-batysta tuman túsýi yqtımal.
Almaty oblysynyń keı jerlerinde jel 15-20 m/s kúsheıip, ekpini 23-28 m/s jetedi.
Jambyl oblysynyń keı jerlerinde burshaq jaýýy múmkin, jel 15-20 m/s kúsheıip, kúndiz ekpini 23-28 m/s jetedi.
Túrkistan oblysynyń keı jerlerinde shańdy daýyl soǵady, jel 15-20 m/s kúsheıip, kúndiz ekpini 23 m/s jetedi.
Shyǵys Qazaqstan oblysynda kúndiz keı jerlerde burshaq jaýýy múmkin, jel 15-20 m/s kúsheıip, tańerteń jáne kúndiz ekpini 25 m/s jetedi. Qyzylorda oblysynyń keı jerlerinde shańdy daýyl soǵýy múmkin, tańerteń jáne kúndiz jel 15-20 m/s kúsheıip, ekpini 25 m/s jetedi.
Batys Qazaqstan, Mańǵystaý, Qaraǵandy, Soltústik Qazaqstan oblystarynyń keı jerlerinde kúndiz jel 15-20 m/s kúsheıip, Manǵystaý oblysynda shańdy daýyl soǵady.
Pavlodar oblysynda jel kúsheıip, túnde keı jerlerde, kúndiz basym bóliginde jyldamdyǵy 15-20 m/s jetedi.
Qostanaı oblysynyń keı jerlerinde tuman túsip, kúndiz jel 15-20 m/s kúsheıedi.
Kúndiz Aqmola oblysynyń shyǵysynda jeldiń jyldamdyǵy 15-20 m/s jetedi.
Túnde Aqmola, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde 3 gradýsqa deıin úsik júredi.
