Kúshti jel, tuman, kóktaıǵaq: Sársenbige arnalǵan aýa raıy boljamy
NUR-SULTAN. QazAqparat - «Qazgıdromet» mamandary 3 aqpanǵa arnalǵan aýa raıy boljamyn málim etti, dep habarlaıdy QazAqparat.
Soltústik-batys tsıklony Qazaqstan terrıtorııasy arqyly tez jyljı otyryp, elimizdiń soltústik bóliginde qar men jańbyr jaýǵyzady.
Sondaı-aq teriskeıde kóktaıǵaq bolady, jel kúsheıip, aýa temperatýrasy joǵarylaıdy.
Al respýblıkanyń ońtústik bóligi joǵary qysym aýmaǵynda ornalasatyndyqtan jaýyn jaýmaıdy.
Respýblıkanyń keı jerlerinde tuman túsedi.
Soltústik Qazaqstan oblysynda keı jerlerde tuman túsedi, jaıaý burqasyn soǵady. Kóktaıǵaq bolady. Óńirdiń basym bóliginde jel ekpini - 23 m/s.
Aqmola, Qostanaı oblystarynda - tuman, jaıaý burqasyn, kóktaıǵaq bolady. Túnde jeldiń ekpini 23-28 m/s jetedi.
Pavlodar oblysynda keı jerlerde tuman túsedi, jaıaý burqasyn soǵyp, kóktaıǵaq bolady. Túnde keı jerlerde, kúndiz aımaqtyń basym bóliginde jel jyldamdyǵy - 23 m/s.
Shyǵys Qazaqstan oblysynyń keı jerlerinde tuman túsip, burqasyn soǵady. Kóktaıǵaq. Jel qarqyny kúndiz 25 m/s deıin kúsheıedi.
Qaraǵandy oblysynda keı jerlerde tuman túsip, jel ekpini 15-20 m/s jetedi. Kúndiz kóktaıǵaq bolady.
Táýlik boıy Batys Qazaqstan, Aqtóbe óńirlerinde, túnde jáne tańerteń Almaty oblysynda keı jerlerde tuman, kóktaıǵaq bolady.
Jambyl, Túrkistan, Qyzylorda, Mańǵystaý, Atyraý oblystyrynda keı jerlerde tuman túsedi.
