Kúshti jel, tuman, kóktaıǵaq: 9 qarashaǵa arnalǵan aýa raıy
NUR-SULTAN. QazAqparat - Dúısenbi kúni aýa raıy qubylmaly bolady, dep habarlaıdy QazAqparat «Qazgıdrometke» silteme jasap.
Qazaqstan terrıtorııasynyń basym bóliginde aýa raıy áli de Mýrmansk aımaǵynan keletin tsıklonǵa baılanysty bolady. Jaýyn-shashyn (jańbyr, qar) jaýady.
Túrkistan oblysynyń taýly aımaqtarynda qatty jaýyn-shashyn jaýady. Respýblıkanyń keı jerlerinde jel qarqyny - 15-20, soltústik jáne ońtústik óńirlerde ekpini 23-28 m/s jetedi.
Tuman túsedi, kóktaıǵaq, soltústik jáne shyǵysta jaıaý burqasyn kóteriledi.
Tek ońtústik-batysta antıtsıklon yqpalynan jaýyn-shashynsyz aýa raıy kútiledi.
Aqmola, Soltústik Qazaqstan, Qostanaı, Pavlodar, Qaraǵandy oblystarynda jel ekpini - 23-28 m/s. Keı jerlerinde tuman túsip, kóktaıǵaq bolady, jaıaý burqasyn soǵady.
Jambyl, Túrkistan, Aqtóbe, Batys Qazaqstan oblystarynyń keı jerlerinde jeldiń jyldamdyǵy 15-20 m/s jetedi. Jambyl, Aqtóbe oblystarynda tuman túsedi.
Almaty, Shyǵys Qazaqstan, Atyraý, kúndiz Mańǵystaý, Qyzylorda oblystarynyń keı jerlerinde jel qarqyny 15-25 m/s jetedi. Kúndiz Qyzylorda oblysynda shańdy daýyl soǵady.
