Kúshti jel Óskemendegi ǵımarattyń shatyryn julyp ketti
ÓSKEMEN. QazAqparat - Kúshti jel Óskemendegi ǵımarattyń shatyryn julyp ketti, dep habarlaıdy QazAqparat qalalyq tótenshe jaǵdaılar basqarmasyna silteme jasap.
Jel ǵımarattyń basyndaǵy materıaldy julyp áketip, ol aǵashqa ilinip qalyp, adamdardyń ómirine qaýip týdyrǵan. Oqıǵa ornyna tótenshe jaǵdaılar basqarmasynyń mamandary kelip, qaýiptiń aldyn aldy, dep habarlady vedomstvonyń baspasóz hatshysy Marına Lıskova.
Onyń sózinshe, qalada ózge ǵımarattarda mundaı jaǵdaı qaıtalanbaǵan.
Aýa raıyna baılanysty eskertý sársenbi kúni habarlanbaǵan.
«Bolǵan oqıǵanyń saldarynan eshkim zardap shekken joq. Qutqarýshylar qurylys materıaldary men aǵashtyń synǵan bólikterin jınastyryp, dúkendi ıeleri tártipke keltiredi»,-dep habarlady baspasóz qyzmetindegiler.
