Kúshti jel Qaraǵandy oblysynda birneshe ǵımarattyń shatyryn ushyryp áketti

QARAǴANDY. QazAqparat – QR ІІM Qaraǵandy akademııasy kazarmasy shatyrynyń 700 sharshy metr aýmaǵyn qatty jel ushyryp áketti, dep habarlaıdy QazAqparat tilshisi.

21 shildede qatty jeldiń saldarynan B. S. Beısenov atyndaǵy Qaraǵandyda QR ІІM Qaraǵandy akademııasynyń kazarmasy ǵımaratynyń shatyry ushyp ketti.

Zaqym kelgen aýmaq - 700 sharshy metr.

Aıta ketý kerek, bir aı buryn dál osy oqý ornynda osyndaı tótenshe jaǵdaı bolǵan edi.

Sonymen qatar, daýyldy jel Temirtaý qalasyndaǵy ǵımarattardyń da shatyryn julyp aldy.

«Qatty jeldiń saldarynan Panfılov kóshesindegi 50 sharshy metr alańdaǵy eki qabatty turǵyn úıdiń, Tışenko kóshesindegi 150 sharshy metr alańdaǵy bes qabatty kópfýnktsıonaldy ǵımarattyń shatyry buzyldy, shatyr qurylymy qulady. Saldarynan Qaraǵandy ındýstrııalyq ýnıversıtetiniń kórshiles jataqhana ǵımaratynyń 10 tereze bloktary zaqymdandy. Respýblıka dańǵylyndaǵy eki qabatty meshit ǵımaratynyń 250 sharshy metr tóbesi zaqymdandy», - dep habarlady Qaraǵandy oblysy TJD baspasóz qyzmeti.

Posmotret etý pýblıkatsııý v Instagram

Pýblıkatsııa ot Karaganda | Novostı | Dorogı (@dorogi_karagandy)

Keshegi jel Buqar jyraý aýdanyna da zardap ákeldi. Aqtóbe aýylynda 300 sharshy metr aýmaqta eki qabatty jalpy bilim beretin mektep ǵımaratynyń shatyry buzyldy.

Al Botaqara kentinde eki qabatty turǵyn úı men jalpy bilim beretin mekteptiń sportzal ǵımaraty zardap shekti.

Joǵaryda atalǵan barlyq jaǵdaılarda zardap shekkender joq. Biraq jol apatynyń saldarynan keshe 65 jastaǵy er adam zaqym aldy.

Ol «Qaraǵandy-Astana» tasjolymen júretin reıstik avtobýstyń salonynda bolǵan. Jolaýshylar kóligi qatty jeldiń áserinen aýdarylyp qalǵan.

21 shildede Qaraǵandy oblysynda naızaǵaı men jeldiń kúsheıýine baılanysty daýyldy eskertý jarııalandy.