Kúshti jel, boran, tuman jáne kóktaıǵaq - Beısenbige arnalǵan aýa raıy
NUR-SULTAN. QazAqparat – Beısenbi 23 qańtarda elimizde jel kúsheıip, qar jaýady, boran soǵady, tuman jáne kóktaıǵaq bolýy yqtımal, dep habarlaıdy QazAqparat Qazgıdrometke silteme jasap.
«23 qańtarda Qazaqstan aýmaǵynyń kóp bóligine Mýrmansk ústinde ornalasqan tsıklon jyrasy áser etedi. Osyǵan baılanysty qar jaýady, batysta, soltústik batysta, soltústik shyǵysta jáne ońtústikte jaýyn-shashyn túsedi. Elimizdiń keı jerlerinde tuman, kóktaıǵaq, burqasyn kútiledi, jel kúsheıedi», delingen aýa raıy boljamynda.
Aqmola, Soltústik Qazaqstan, Qostanaı oblystarynda jel 15-20, keı jerlerde jyldamdyǵy 23-28 m/s jetedi, ekpini 30 m/s-den asyp boranmen birge soǵady, keı jerlerde kóktaıǵaq bolýy yqtımal, Qostanaı oblysynda tuman kútiledi.
Pavlodar oblysynda jel 15-20 m/s, keı jerlerde 23-28, ekpini 30 m/s jetedi, keıde odan asyp ketedi, keı jerlerde burqasyn, kóktaıǵaq kútiledi. Qaraǵandy oblysynda jel túnde 15-20, keı jerlerde 23-28 m/s jetedi, kúndiz keı jerlerde 15-20, ekpini 23-28 m/s kúsheıedi, keı jerlerde burqasyn, tuman, kóktaıǵaq kútiledi.
Qyzylorda oblysynda jel 15-20, túnde jáne tańerteń keı jerlerde 25 m/s kúsheıedi, keı jerlerde burqasyn, tuman kóktaıǵaq kútiledi.
Shyǵys Qazaqstan oblysynyń keı jerlerinde burqasyn, kóktaıǵaq kútiledi, jel 15-20, ekpini 23-28 m/s kúsheıedi.
Atyraý, Jambyl oblystarynyń keı jerlerinde tuman, kóktaıǵaq, burqasyn kútiledi, jel 15-20 m/s kúsheıedi.
Batys Qazaqstan, Aqtóbe oblystarynyń keı jerlerinde kóktaıǵaq kútiledi, jel 15-20 m/s kúsheıedi, Batys Qazaqstan oblysynda tuman túsedi, Aqtóbe oblysynda boran soǵady.
Túrkistan, Mańǵystaý oblystarynyń keı jerlerinde tuman kútiledi, jel 15-20 m/s kúsheıedi.
Almaty oblysynyń túnde keı jerlerinde tuman kútiledi, kúndiz Jalanashkól aýdanynda jel 15-20 m/s kúsheıedi.
