Kúshti jarylys túrme ǵımaratyn qıratty: 100 adam zardap shekti
ASTANA. QazAqparat - AQSh-tyń Florıda shtatyndaǵy Pensakola qalasyndaǵy túrmede bolǵan kúshti jarylys túzeý mekemesiniń ǵımaratyn qıratyp ketti.
Aldyn ala málimetterge qaraǵanda, oqys oqıǵaǵa gazdyń syrtqa jaıylý sebep bolǵan, dep habarlaıdy NBC telearnasy.
Bul jaǵdaı jergilikti ýaqyt boıynsha saǵat 23 shamasynda Eskambıa okrýgyndaǵy túzeý mekemesinde oryn alǵan. Jarylys bolǵan sátte ǵımaratta 600-ge jýyq sottalýshy jáne polıtsııa ofıtserleri bolǵan. Olardyń 100-i túrli deńgeıde jaraqattandy. Qaza tapqandar jaıly ázirge málimet túse qoıǵan joq, dep jazady RBK.
