Kúshti daýyldan elorda zardap shekti me
NUR-SULTAN. QazAqparat - Elordada keshegi qatty daýyl kezinde aıtarlyqtaı tótenshe jaǵdaı oryn alǵan joq. Bul týraly qalalyq Tótenshe jaǵdaı departamentinen málim etti, dep habarlaıdy QazAqparat tilshisi.
Vedomstvo málimetinshe, keshe saǵat 19:17-de Sembınov kóshesi boıyndaǵy 10/4-úıdegi páterdiń biriniń áınekti balkonyna qulaý qaýpi tóngen. Oqıǵa ornyna jedel jetken qutqarýshylar arnaıy quraldyń kómegimen kólemi 60*120 sm bolatyn balkon áınegin sheship alǵan.
«7 sáýir kúni saǵat 21:23-te Jolymbetov kóshesi boıyndaǵy 4-úıdiń janynda aǵashtyń elektr taratý jelisine qulaǵany týraly aqparat kelip tústi. Oqıǵa ornyna jetken mamandar aǵashty aralap, elektr jelisinen túsirip aldy. Sol jerde «Aqmola elektr jelisin taratý kompanııasynyń» arnaıy brıgadasy boldy», - dep atap ótti departamentten.
