Kúshti boran Aqtóbe men Qostanaı oblysy aýmaǵyndaǵy kólik qozǵalysyn qıyndatty
ASTANA. 18 qańtar. QazAqparat - Boranǵa baılanysty eki oblystyń aýmaǵyndaǵy respýblıkalyq joldarda kólik qozǵalysy shekteldi. Bul týraly «Qazaqavtojol» RMK baspasóz qyzmetinen habarlady.
Aqtóbe oblysy aýmaǵynda barlyq avtokólik túrleri úshin myna joldar jabyq:
- «Qandyaǵash-Embi-Shalqar-Yrǵyz» jolynyń 0-257 shaqyrymyndaǵy Qandyaǵash pen Shalqar aralyǵy;
- Aqtóbe qalasynyń Soltústik aınalma joly 0-39 shaqyrymy;
- «Samara-Shymkent» jolynyń 753-1240 shaqyrymyndaǵy Aqtóbe qalasy men Qyzylorda oblysy shekarasy;
- «Aqtóbe-Atyraý-RF shekarasy» jolynyń 92-330 shaqyrymyndaǵy Qandyaǵash pen Atyraý oblysy shekarasy;
- «Aqtóbe-Orsk» jolynyń 21-135 shaqyrymyndaǵy Prıgorodnyı men RF shekarasy ýchaskesi;
- «Qarabutaq-Qostanaı oblysy shekarasy» jolynyń 0-231 shaqyrymy;
- «Samara-Shymkent» jolynyń 615-723 shaqyrymyndaǵy BQO men Aqtóbe qalasy aralyǵy.
Qostanaı oblysy boıynsha myna joldar jabyq:
- «Qarabutaq-Qostanaı» jolynyń 231-389 shaqyrymyndaǵy Aqtóbe oblysy shekarasy men Denısovka ýchaskesi;
- «Denısovka-Jetiqara-RF shekarasy» jolynyń 82-164 shaqyrymyndaǵy Jetiqara men RF shekarasy ýchaskesi.
