Kúshti jel turyp, úsik júredi: Qazaqstannyń basym bóliginde daýyldy eskertý jarııalandy
ASTANA. KAZINFORM — 24 sáýir kúni Qazaqstannyń 16 óńiri men Astanada daýyldy eskertý jarııalandy, dep habarlaıdy «Qazgıdromet» RMK.
Astana
Túnde topyraq betinde 1 gradýsqa deıin úsik júredi.
Almaty
Kúndiz naızaǵaı oınaıdy.
Abaı oblysy
Túnde jáne kúndiz naızaǵaı kútiledi, túnde jáne tańerteń ońtústikte tuman. Jeldiń baǵyty aýysyp, soltústik-shyǵystan soǵady, ekpini 15–20 m/s.
Aqmola oblysy
Túnde jáne tańerteń ońtústik pen shyǵysta tuman túsip, soltústik pen shyǵysta 3 gradýsqa deıin úsik bolady.
Atyraý oblysy
Batys, soltústik jáne ońtústikte naızaǵaı oınaıdy. Ońtústik-shyǵystan soǵatyn jel ekpini - 15–20 m/s.
Almaty oblysy
Kúndiz ortalyq pen ońtústikte, taýly aýdandarda naızaǵaı oınaıdy. Jeldiń ekpini 15–20 m/s deıin jetedi.
Aqtóbe oblysy
Kúndiz batys pen ońtústikte jeldiń ekpini - 15–18 m/s.
Shyǵys Qazaqstan oblysy
Túnde jáne kúndiz jańbyr jaýyp, naızaǵaı oınaıdy, shyǵysta tuman túsedi. Jeldiń jyldamdyǵy - 15–20 m/s.
Jambyl oblysy
Kúndiz soltústik pen taýly aýdandarda naızaǵaı oınaıdy. Taýly aımaqtarda tuman túsedi, jel ekpini - 15–20 m/s.
Jetisý oblysy
Túnde soltústik pen ortalyqta naızaǵaı oınaıdy, Alakól kólderi mańynda jel ekpini - 25 m/s deıin.
Batys Qazaqstan oblysy
Naızaǵaı oınap, tuman túsedi. Jel ekpini - 15–20 m/s.
Qaraǵandy oblysy
Kúndiz batys, ońtústik jáne shyǵysta naızaǵaı oınaıdy. Túnde jáne tańerteń tuman túsedi. Jel ekpini - 15–20 m/s.
Qostanaı oblysy
Kúndiz naızaǵaı oınap, túnde ońtústikte tuman túsedi. Soltústik-shyǵysta - 1 gradýs úsik.
Qyzylorda oblysy
Ortalyq pen shyǵysta joǵary órt qaýpi saqtalady.
Mańǵystaý oblysy
Naızaǵaı oınap, shyǵysta shańdy daýyl turady. Jel ekpini - 15–20 m/s.
Pavlodar oblysy
Túnde soltústikte jańbyr men qar jaýady. Topyraq betinde 1 gradýs úsik júredi. Jel ekpini - 15–20 m/s.
Soltústik Qazaqstan oblysy
Jel ekpini - 15–20 m/s, túnde soltústikte 3 gradýsqa deıin úsik kútiledi.
Ulytaý oblysy
Kúndiz naızaǵaı oınap, jel ekpini - 15–20 m/s deıin jetedi.
Barlyq óńir turǵyndaryna aýa raıyna baılanysty barynsha saq bolýǵa jáne aldyn ala daıyndalýǵa keńes beriledi.