Kúshti jel: Astanada daýyldy eskertý jarııalandy

ASTANA. KAZINFORM — 21 maýsymda elordada qolaısyz aýa raıy kútiledi, dep habarlaıdy «Qazgıdromet» RMK.

Sınoptıkterdiń málimetinshe, mynadaı qubylystar bolady:

• naızaǵaı,

• burshaq,

• qatty daýyl,

• jeldiń jyldamdyǵy 15–20 m/s-qa deıin kúsheıip, keı jerlerde 23–28 m/s-qa deıin jetýi múmkin.

Astana qalasy Tótenshe jaǵdaılar departamenti saqtyq sharalaryn saqtaýdy usynady. Atap aıtqanda, qala turǵyndary men qonaqtaryna:

• qatty jel men aptap kezinde orman jáne dala mańynda demalýdan bas tartý;

• naızaǵaı kezinde aǵash astyna tyǵylmaý jáne kóshede elektronıkany paıdalanbaý;

• aýa raıy kúrt nasharlaǵan jaǵdaıda úıde bolýǵa tyrysý usynylady.

Buǵan deıin Almatyda soqqan jeldiń saldarynan shatyrlar, aǵashtar men kólikterge zaqym kelgeni týraly jazǵan bolatynbyz.

21 maýsymda Qazaqstan boıynsha turaqsyz aýa raıy boljanyp otyr.