Kúshti naızaǵaı Torontonyń ondaǵan myń turǵynyn jaryqsyz qaldyrdy
ASTANA. KAZINFORM - Kanadanyń eń iri qalasy Torontony kúshti naızaǵaıly daýyl basyp, ondaǵan myń úı elektr qýatynsyz qaldy. Sondaı-aq joldardy sý basyp, Pırson áýejaıynyń jumysy buzyldy, dep habarlaıdy Al Jazeera.
Basylymnyń málimetinshe, 2 qyrkúıek kúni keshke shamamen 45 myń tutynýshy elektr qýatynsyz qalǵan.
Qalada sý tasqyny men qulaǵan aǵashtarǵa baılanysty joldar jabyldy. Olardyń qatarynda iri Don Valley Parkway magıstrali de bar. Sý tasqyny Ist-Iork aýdanyndaǵy Michael Garron Hospital aýrýhanasynyń jedel járdem bólimshesine de áser etti.
Toronto qalasynyń meri Olıvııa Choý qalalyq jedel áreket etý ortalyǵy 2 qyrkúıek kúni tańerteń iske qosylǵanyn habarlady. Kommýnaldyq qyzmetter qulaǵan aǵashtar, úzilgen elektr symdary men sý basý saldaryn joıý jumystaryn júrgizdi.
Qolaısyz aýa raıy Toronto Pırson áýejaıynyń jumysyna da kedergi keltirdi. Keshki ondaǵan reıs keıinge shegerildi nemese toqtatyldy.
Kanada meteorologııalyq qyzmeti Úlken Toronto aýmaǵynda kúshti naızaǵaıǵa baılanysty jarııalanǵan qyzǵylt sary eskertýdi alyp tastady. Sonymen qatar Ontarıonyń ońtústik-batysyndaǵy jekelegen aýdandarda aptap ystyq pen qaýipti naızaǵaıǵa baılanysty sary eskertý kúshinde qaldy.
Eske salaıyq, buǵan deıin Qytaı taıfýnǵa baılanysty 83 myń adamdy evakýatsııalaǵan.
