«Kúshimiz birlikte»: Ulytaý óńiri kásipkerler palatasy gýmanıtarlyq kómek jóneltpek
JEZQAZǴAN. KAZINFORM – «Elime kelgen apatqa beıjaı qaraı almaımyz» degen qaǵıdany basshylyqqa ala otyryp, óńirdiń bıznes qaýymdastyǵy men Ulytaý óńiri kásipkerler palatasynyń qyzmetkerleri birigip, sý tasqynynan zardap shekken aýdandarǵa gýmanıtarlyq kómek uıymdastyrdy.
«Kúshimiz birlikte» ıgiligi kerýeni aıasynda birneshe tonna kartop, un, kókónis, qant, sý, maı, sondaı-aq kıim-keshek, dári-dármek jáne birinshi qajettilik taýarlary jetkizildi. Qaıyrymdylyq sharasyn uıymdastyrýǵa «Qazaqmys Korporatsııasy» JShS, «Remstroı» JShS, «PIK ıÝtarııa Ltd» JShS, «Tranko» JShS, «Samadı» JShS, «Qyzylmaı» JShS, «Adal Eńbek» JShS syndy basqa da kásipkerler atsalysty», - delingen habarlamada.
Sondaı-aq, oblystyq Kásipkerler palatasynyń qyzmetkerleri bir kúndik jalaqylaryn zardap shekkenderge kómek kórsetý qoryna aýdardy. Barlyq jınalǵan qarajat, ónimder men zattar tasqynnan zardap shekken aımaqtarǵa jóneltiledi.
