Kúshikterge qatygezdik tanytqan semeılik jaýapkershilikke tartyldy

ASTANA. KAZINFORM — Semeı qalasynda polıtseıler áleýmettik jelilerdi monıtorıngteý barysynda janýarlarǵa qatygezdikpen qaraý deregin anyqtady, dep habarlaıdy Abaı oblysy PD baspasóz qyzmeti.

Belgili bolǵandaı, 51 jastaǵy er adam qoǵamdyq orynda kúshikterdi qapqa salyp, qaraýsyz qaldyryp ketken. Onyń áreketi jeli qoldanýshylarynyń oryndy narazylyǵyn týdyrdy.

— Atalǵan derek boıynsha polıtseıler quqyq buzýshynyń jeke basyn anyqtap, oǵan qatysty janýarlarǵa qatygezdik jasaǵany úshin ákimshilik hattama toltyrdy. Polıtsııa janýarlarǵa qatygezdik tanytýdyń kez kelgen túri zań boıynsha jaýapkershilikke ákeletinin eskertedi. Mundaı faktiler qatań túrde jolyn kesetin bolady, — delingen habarlamada.

Buǵan deıin Almaty oblysynda ıtti kólikpen súıregen adamnyń ústinen is qozǵalǵanyn jazǵanbyz.