#KúshimizBirlikte: Bizge keregi – elimizdiń birtutastyǵy, beıbit ómir, ekonomıkalyq jaǵdaıdyń jaqsarýy - professor
NUR-SULTAN. QazAqparat - Kez kelgen syn-qaterden memlekettik múddeni jeke bas múddesinen joǵary qoıa otyryp qol jetkize alamyz. Mundaı pikirdi Ál-Farabı atyndaǵy Qazaq ulttyq ýnıversıtetiniń professory Aınur Qurmanálıeva bildirdi, dep habarlaıdy QazAqparat tilshisi.
«Memlekettiń turaqty damýy birtutastyq pen beıbit ómir kezeńinde oryn alatyny anyq. El Prezıdenti halyqtyń konstıtýtsııalyq quqyqtaryn qorǵaı otyryp, birqatar is-sharany qolǵa aldy. Eldegi jaǵdaı birtindep turaqtalyp, terrorlyq áreketke baryp jatqan sodyrlardyń zańsyz qımyldaryna tosqaýyl qoıylýda», - dedi professor.
Ǵalym kez kelgen bastama saýatty, beıbit jolmen, kelisim men suhbattastyq arqyly oryn alǵanda ǵana tıisti nátıje beretindigin basa aıtady.
«Memleket múlkiniń, halyqqa qajetti strategııalyq nysandardyń búlinýi – bul bıýdjetke keltirilgen shyǵyn. Qazirgi aýmaly-tókpeli zamanda, pandemııa saldarynan bolyp jatqan ekonomıkalyq shyǵyndar konteksinde mundaı is-áreketterge jol bermeýimiz kerek. Búginde bizge keregi – elimizdiń birtutastyǵy, beıbit ómir, ekonomıkalyq jaǵdaıdyń jaqsarýy. Kez kelgen syn-qaterden birlesip jáne memlekettik múddeni jeke bas múddesinen bıik qoıa otyryp qol jetkize alamyz», - dedi Aınur Qurmanálıeva.
