Kúshimiz halyqtyń birliginde – sarapshy

NUR-SULTAN. QazAqparat – Elordadaǵy №2 balalar mýzyka mektebiniń dırektory Vladıslav Lı barsha qazaqstandyqty Memleket basshysy Qasym-Jomart Toqaevtyń bastamalaryna jan-jaqty qoldaý kórsetýge shaqyrdy, dep habarlaıdy QazAqparat tilshisi.

«Qazaqstan Prezıdenti Qasym-Jomart Toqaevtyń sózi barshamyz bir nárseni naqty bilýimiz kerektigin eske saldy. Memleket pen azamat – birtutas. Bul halyqtyń «Birlik bar jerde – tirlik bar» degen maqalyn jan-jaqty ashatyn, bólip-jarýǵa kelmeıtin uǵym. Kúshimiz – halyqtyń birliginde. Bizge balalarymyzdyń jáne ortaq Otanymyzdyń bolashaǵy úshin birigý qajet. Biz – birtutas halyqpyz. Bul Táýelsizdigimizdiń dańqty tarıhymen-aq dáleldengen», - dedi Vladıslav Lı.

Sonymen qatar ol búginde elimizdiń myqty kóshbasshysy bar ekenin basa aıtyp ótti.

«Eń bastysy, kóshbasshymyz bar. Biz onyń tóńiregine toptasýymyz kerek. Osynaý qıyn-qystaý kúnder elimizdiń saýatty ári jaýapkershiligi zor Memleket basshysy basqaryp otyrǵanyn kórsetip berdi. Biz, qazaqstandyqtar barlyq synaqtan súrinbeı ótip, elimiz gúldenýi ári myqty bola túsýi úshin qolymyzdan kelgen barlyq isti jasaımyz», - dedi mektep dırektory.

Foto: elorda.info