Qushaqtasý adamdardyń júıke júıesindegi syrqattardy aıyqtyrýǵa kómektesedi
ASTANA. QazAqparat - Dárigerler qushaqtasyp, tós qaǵystyrý adamnyń aǵzasyna qyrýar áser beredi degen toqtamǵa kelip otyr. Ol adamnyń aǵzasyndaǵy, sondaı-aq ishki júıke júıesindegi syrqattardy aıyqtyrýǵa kúshti kómektesetindigin zertteý nátıjesi barysynda anyqtaldy. The Times of India habarlaýynsha, ystyq qushaq stresten arylýǵa, jalǵyzdyq sezimin jeńýge oń áserin beredi. Boıyna qaýipsizdiktiń úlken nyshany paıda bolyp, úlken áserge bólengen adamdar derttiń ketkenin de ańǵarmaı ketedi, deıdi basylym.
Sonymen birge qushaqtasý barysynda aǵzada oksıtotsın shoǵyrlanyp, emotsıonaldy kóńil kúı turaqtala túsedi. Qushaq uzaq sozylsa, qan quramynda serotonınniń kólemi artady. Al ol, ózderińiz biletindeı, "baqyt gormony" dep te atalady. Demek, kóńilińiz shat, kóterińki bolady degen sóz.
Ǵalymdardyń aıtýynsha, qushaqtasý kezinde adamnyń boıy bosańsyp, qan aınalymyn jaqsartady, júıke júıesi qalypqa kelip, demalysy ornyǵady.
