Kúsh teń, endi bári sharshy alańda belgili bolady - Baqyt Sársekbaev
GÝıANG. 6 mamyr. QazAqparat /Erlik Erjanuly/ - Qytaıdyń Gýıang qalasynda Búkilálemdik boks serııasy aıasynda "Astana arlandary" jáne «Parıj ıýnaıted» komandalary arasynda ótetin matchqa baılanysty uıymdastyrylǵan baspasóz máslıhatynda elordalyq klbtyń namysyn qorǵaıtyn Beıjiń Olımpıadasynyń chempıony Baqyt Sársekbev: "Kúsh teń, endi bári sharshy alańda belgili bolady", - dedi.
«Búkilálemdik boks serııasynyń aqtyq saıysyna bylǵary qolǵap sheberleriniń bári úlken daıyndyqpen kelip otyr. Baq shaba ma, bap shaba ma, degendeı, endi bári sharshy alańdaǵy jekpe-jekte belgili bolady. Komandalastarymnyń bárine sáttilik joldas bolsyn dep tileımin», - deıdi Baqyt Sársekbaev. Ol qazirgi tańda Búkilálemdik boks serııasyndaǵy saıysta óner kórsetip júrgen jalǵyz Olımpıada chempıony bolyp otyr. «Astana arlandary» klýbynyń beldi múshesi buǵan deıin Halyqaralyq áýesqoı boks qaýymdastyǵy uıymdastyrǵan bul dúbirli básekede 6 ret jekpe-jekke shyǵyp, ekeýinde belgili sebeptermen jeńilis tapqan edi Qazaqstannyń eńbek sińirgen sport sheberi erteń «Parıj ıýnaıted» komandasymen bolatyn aqtyq synda Mıshel Taverespen qolǵap túıistiretin bolady.
