Qusbegilikten Qazaqstan chempıonaty bastaldy
ASTANA. KAZINFORM – Keshe Shyǵys Qazaqstan oblysyna qarasty Ulan aýdany Bozanbaı aýylynda 2024 jylǵa arnalǵan qusbegilikten eresekter arasyndaǵy XVII QR chempıonaty bastaldy.
QR Ulttyq sport qaýymdastyǵynyń baspasóz qyzmeti málim etkendeı, ulttyq sporttyń bul túri aldaǵy qyrkúıekte Astana qalasynda 5-shi Dúnıejúzilik kóshpendiler oıyndarynyń sporttyq baǵdarlamasyna engen.
Aldaǵy úsh kún ishinde qusbegiler ózara kil myqtynyń arasynan kim myqtyny anyqtamaq.
Jalpy saıysqa elimizdiń 12 oblysynan 59 búrkit, 14 qarshyǵa, 21 ıtelgi ákelingen. Qatysýshylardyń arasynda álemge aty belgili búrkitshi qyz Aısholpan Nurǵaıypqyzy da bar.
Saıystyń birinshi kúni qusbegiler úshin ońaıǵa soqqan joq. Óıtkeni oblys aýmaǵynda qatty jel men aq tútek boran basylmaı tur.
Jeńimpazdar arnaıy kýbok, dıplom, medaldarmen jáne túrli qarjylaı syılyqtarmen marapattalady.
Esterińizge sala keteıik, Esterińizge sala keteıik, osyǵan deıin álemge áıgili búrkitshi, qandasymyz Aısholpannyń otbasy Monǵolııa elinen bir jola ata-jurty Qazaqstanǵa qonys aýdaryp, kóship kelgenin jazǵan bolatynbyz.
